Azad dinamik uşaqlar ya füsunkar süni manikenlər?!
Təfəkkür və təhlil gücü ilə yanaşı, insanı yaradılış aləmində ali varlıq edən xüsusiyyət onun azadlığıdır. Allah yaradılışın mənbəyi, peyğəmbərlər ümmətin rəhbərləri və imam camiənin müdiri ünvanında rolları budur ki, insanın azadlığına zərər dəyməsinin qarşısını alsınlar. Əgər bu rollar insan azadlığına zərər vermək istəsə, deməli, Allahın iradəsinə zidd əməl olunub. Siz, ey valideynlər və müəllimlər! Uşaqlar üzərində necə rol oynamaq istərdiniz? Uşaqların azadlığını və səlahiyyətlərini əlindən alıb bunu tərbiyə və mərhəmət adlandırmaq istəyirsiniz? Uşağı özünü yaxşı aparmağa "məcbur etmək" istəyirsiniz? Bu füsunkar süni manikenlərin qiyməti gözəl heykəlin qiymətindən çox olmayacaq. Gəlin hamımız birlikdə qərar verək ki, uşaqlarımız “məlumatlı və müstəqil” olsunlar. İslamın təlimi haqq, fəzilət və təqva yolunu özü seçən dinamik və azad insanlar yaratmaqdır.
Məhəmməd Beheşti, "Nəqşe azadi dər tərbiyəte kudəkan" kitabı, s. 12-16.
Tərcümə: Səriyyə Mahmudova
"Keraamat" saytına istinadən
